ବ୍ରହ୍ମପୁରରେ ଫୁଟିଲା ବୋମା : ଯୁବକ ଗୁରୁତର

ବ୍ରହ୍ମପୁର, ୨ ନଭେମ୍ବର ୨୦୨୫ (ଖବର ସଙ୍ଗେ ସଙ୍ଗେ ବ୍ୟୁରୋ) ଅଶାନ୍ତ ହୋଇପଡିଛି ବ୍ରହ୍ମପୁର ସହର | କେତେ ବେଳେ ହତ୍ୟା ତ ଆଉ କେତେ ବେଳେ ଆକ୍ରମଣ | ଗତ କଲି ରାତ୍ରରେ ସହରରେ ଫୋଟିଛି ବୋମା | ଏଥିରେ ଜଣ ଆହତ ହୋଇଥିବା ସୂଚନା ରହିଛି | ଏପରି ଏକ ଘଟଣା ଦେଖିବାକୁ ମିଳିଛି ବୈଦ୍ୟନାଥପୁର ଥାନା ଅନ୍ତର୍ଗତ ଆଙ୍କୁଲି ଶିଳ୍ପାଞ୍ଚଳରେ ରାତି ୧୦ଟା ବେଳେ ଜଣେ ଯୁବକଙ୍କ ଉପରକୁ ବୋମା ମାଡ଼ ହୋଇଛି । ଆହତ ଯୁବକ ଜଣଙ୍କ ହେଲେ ସେହି ଅଞ୍ଚଳର ଶିବ ବାହାଦୂର । ସୂଚନାପ୍ରକାରେ, ଶିବ ଆଙ୍କୁଲି ଶିଳ୍ପାଞ୍ଚଳ ରାମ ମନ୍ଦିର ନିକଟରେ ଛିଡ଼ା ହୋଇଥିବା ବେଳେ ୨ ଜଣ ଯୁବକ ସେଠାରେ ପହଞ୍ଚି ତାଙ୍କ ଉପରକୁ ବୋମା ମାଡ଼ କରି ଫେରାର ହୋଇଯାଇଥିଲେ | ବୋମାଟି ଶିବଙ୍କ ବାମ ଗୋଡ଼ରେ ବାଜି ଫୁଟି ଯାଇଥିଲା। ଏଥିରେ ତାଙ୍କ ବାମ ଗୋଡ଼ରେ କ୍ଷତ ସୃଷ୍ଟି ହୋଇଛି। ସ୍ଥାନୀୟ ଲୋକେ ଶିବଙ୍କୁ ଉଦ୍ଧାର କରି ବ୍ରହ୍ମପୁର ବଡ଼ଡାକ୍ତରଖାନ ରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି । ପୂର୍ବ ଶତ୍ରୁତାକୁ କେନ୍ଦ୍ର କରି ତାଙ୍କ ଉପରକୁ ବ୍ୟୋମା ମାଡ଼ ହୋଇଥିବା ସନ୍ଦେହ କରାଯାଉଛି। ଘଟଣାର ଖବର ପାଇଁ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ସିସି ଫୁଟେଜ୍ ଯାଞ୍ଚ କରୁଥିବା ଜଣ ପଡିଛି | ପୋଲିସ ଘଟଣାସ୍ଥଳରୁ ବୋମା ଟୁକୁଡା ଜବତ କରିଛି।