ଓଏଏସ ଅଫିସର କୁ ଧମକ ଦେବାରୁ ତିନି କଣ୍ଟ୍ରାକ୍ଟର ଗିରଫ

ପୁରୁଷୋତ୍ତମପୁର ୧୨ ଜୁଲାଇ ୨୦୨୫ (ଖବର ସଙ୍ଗେ ସଙ୍ଗେ ବ୍ୟୁରୋ) : ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ଗୋବିନ୍ଦ ଦଣ୍ଡସେନା ଙ୍କୁ ଅଫିସ କାର୍ଯ୍ୟାଳୟରେ ପଶି ତିନି ଜଣ ବିଜେଡି ଠିକାଦାର ଜୀବନରେ ମାରିଦେବା ଧମକ ଓ ବିଭିନ୍ନ ଅଭଦ୍ର ଭାଷା ପ୍ରୟୋଗ କରି ଗାଳି ଦେଇ ଅପମାନ ଶବ୍ଦ କହି ଅଫିସ ଟେବୁଲ ବାଡେଇ ଧାମକ ଦେବା ମହଙ୍ଗା ପଡିଛି । ବିଜେଡି କଣ୍ଟାକ୍ଟର ମାନେ ଅତି ନିମ୍ନ ମାନର କାର୍ଯ୍ୟ କରି ଜବରଦସ୍ତ ଭାବେ ବିଲ୍ କରାଇବା ଓ ସବୁଦିନେ ଅଫିସ ଭିତରେ ପଶି ହୋହଲ୍ଲା କରି ଆସୁଥିଲେ । ଗତ ୩୦ ତାରିଖ ଦିନ ଏହିପଟେ ଜିଲ୍ଲା ପାଳ ଓ ଆରକ୍ଷୀ ଅଧିକ୍ଷକଙ୍କ ଯୁଗ୍ମ ଅଭିଯୋଗ ଚାଲିଥିବା ବେଳେ ସେହିପଟେ ଜଣେ ବରିଷ୍ଟ ଓଏଏସ ଅଫିସର ତଥା ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ଙ୍କୁ ଧମକ ଖବର ଓଏଏସ ସଂଘ ପାଖରେ ଅଭିଯୋଗ ପରେ ଗଣ ମାଧ୍ୟମରେ ପ୍ରକାଶିତ ଖବର ଶୁଣି ସହରରେ ଚାଞ୍ଚଲ୍ୟ ସୃଷ୍ଟି କରିଥିଲା । ଏଥି ନେଇ କାର୍ଯ୍ୟ ନିର୍ବାହୀ ଅଧିକାରୀ ଥାନାରେ ଅଭିଯୋଗ କରିଥିଲେ । ପୁରୁଷୋତ୍ତମପୁର ଥାନା ଅଧିକାରୀ ରାଜେଶ କୁମାର ନାୟକ କେଶ ନମ୍ବର ୫୨୨/୨୫ ପ୍ରକାରେ ଠିକାଦାର ଆଶିଷ କୁମାର ମହାପାତ୍ର ଓ ତାଙ୍କ ବାପା ନାରାୟଣ ପ୍ରସାଦ ମହାପାତ୍ର ଏବଂ ଦୀପକ ଗୌଡ ତିନି କଣ୍ଟ୍ରାକ୍ଟର କୁ ଆରେଷ୍ଟ କରି କୋର୍ଟ କୁ ପଠାଇ ଦିଆଯାଇଛି । ଏହି ମାନଙ୍କର ଠିକା କାମ ଅତି ନିମ୍ନ ମାନର ବୋଲି ଜନସାଧାରଣ ଙ୍କ ଅଭିଯୋଗ ବାରମ୍ବାର ହୋଇ ଆସୁଥିଲା ଓ ଭିଜିଲାନ୍ସ ଚଢ଼ାଉ କରି ୧୨୨ ଗୋଟି ଫାଇଲ ଜବତ କରି ନେଇ ଖୋଲତାଡ କରୁଥିବା ବେଳେ ସହର ମଧ୍ୟ ଭାଗରେ ଥିବା ଗୋପାଳ ବନ୍ଧ ର ଗାର୍ଡୱାଲ ନିର୍ମାଣ ର ବିଲ୍ ତୁରନ୍ତ କରାଇ ଦେବା ପାଇଁ ବଧ୍ୟକାରି ଧମକ ଦେବା ମହଙ୍ଗା ପଡିଛି । ପୁରୁଷୋତ୍ତମପୁର କୋର୍ଟରେ ବେଲ ରିଜେକ୍ଟ ହୋଇଥିବାରୁ ଜେଲ ପଠାଇ ଦିଆଯାଇଛି ।