ଜମି ବିକ୍ରି ନାଁରେ ଠକେଇଜେଲ ଗଲେ ସ୍ବାମୀ – ସ୍ତ୍ରୀ

ବ୍ରହ୍ମପୁର, ୯ ଜୁଲାଇ ୨୦୨୫ (ଖବର ସଙ୍ଗେ ସଙ୍ଗେ ବ୍ୟୁରୋ) :ଜମି ବିକ୍ରି ଆଳରେ ଟଙ୍କା ଠକେଇ। ସଂପୃକ୍ତ ମାମଲାରେ ସ୍ବାମୀ – ସ୍ତ୍ରୀଙ୍କୁ ଗିରଫ କରିଛି ବୈଦ୍ୟନାଥପୁର ଥାନା ପୁଲିସ। ଲକ୍ଷ୍ମଣ ନଗରର ଡମ୍ବୁରୁ ବେହେରା ଓ ତାଙ୍କ ସ୍ତ୍ରୀ ନମିତା ବେହେରାଙ୍କୁ ପୁଲିସ କୋର୍ଟ ଚାଲାଣ କରିଛି। ତାଙ୍କ ଜାମିନ ନାମଞ୍ଜୁର ହେବାରୁ ବ୍ରହ୍ମପୁର ଜେଲକୁ ପଥାଇଦିଆଯାଇଛି। ୯୦୦ ବର୍ଗଫୁଟ ଜାଗା ଫାଷ୍ଟଗେଟ ନିକଟରେ ବିକ୍ରି କରିବା ପାଇଁ ଜଣେ ମହିଳା ରିତା ପାଢୀଙ୍କ ଠାରୁ ନଗଦ ୮ଲକ୍ଷ ଟଙ୍କା ନେଇଥିଲେ ଡମ୍ବୁରୁ ଓ ନମିତା। ଏହାପରଠୁ ସେମାନେ ଆଉ ଯୋଗାଯୋଗ ରଖିଲେ ନାହିଁ ଏବଂ ଟଙ୍କା ଫେରିଲେ ନାହିଁ କି ଜମି ଦେଲେ ନାହିଁ। ୨୦୨୩ ଫେବୃଆରୀ ୨୫ ତାରିଖରେ ବୈଦ୍ୟନାଥପୁର ଥାନାରେ ରିତା ଅଭିଯୋଗ କରିଥିଲେ। ଥାନାରେ ଅଭିଯୁକ୍ତ ଟଙ୍କା ଦେବାକୁ ରାଜି ହୋଇଥିଲେ। ନଗଦ ୩ ଲକ୍ଷ ଟଙ୍କା ମାସକ ଭିତରେ ଦେବେ ଏବଂ ୪ଲକ୍ଷ ୬୪ ହଜାର ଟଙ୍କା ମାସକୁ ୭ହଜାର ଲେଖାଏଁ କରି ୬୩ ମାସ ଭିତରେ ପରିଶୋଧ କରିବେ। ସେ ୭ହଜାର ଲେଖାଏଁ ୧୫ ମାସ ଟଙ୍କା ଦେବା ପରେ ଆଉ ଟଙ୍କା ଦେଇନଥିଲେ। ରିତା ବୈଦ୍ୟନଥପୁର ଥାନାରେ ଏତଲା ଦେଇଥିଲେ। ପୁଲିସ ତଦନ୍ତ କରି ଆଜି ନମିତା ଓ ଡ଼ମ୍ବୁରୁଙ୍କୁ ହାତିବନ୍ଧ ସାହି ଭଡ଼ା ଘରୁ ଗିରଫ କରିଛି।