ବ୍ରହ୍ମପୁର ପୋଲିସକୁ ବଡ ଧରଣର ସଫଳତା।‘ଖୋଜ୍’ରେ ବର୍ତ୍ତମାନ ସୁଦ୍ଧା ୨୦ଅପରାଧୀ ଗିରଫ, ୧୧ଟି ପିସ୍ତଲ ଓ ୫୨ରାଉଣ୍ଡ ଗୁଳି ଜବତ

ପୁଣି ସ୍ପେଶାଲ ଡ୍ରାଇଭରେ ବ୍ରହ୍ମପୁର ପୋଲିସକୁ ମିଳିଲା ସଫଳତା । ୭ ଜଣ କୁଖ୍ୟାତ ଅପରାଧିଙ୍କୁ ଗିରଫ କରିବା ସହ ସେମାନଙ୍କ ଠାରୁ ଜବତ ହୋଇଛି ୫ଟି ବନ୍ଧୁକ । ବ୍ରହ୍ମପୁର ବୈଦ୍ୟନାଥପୁର ଥାନା ପୋଲିସ ପକ୍ଷରୁ ଯାଞ୍ଚ ଚାଲିଥିବା ବେଳେ ଏକ କାରରୁ ଗୋଟିଏ ବନ୍ଧୁକ ମିଳିଥିଲା। ଏହାପରେ ସେମାନେ ଭଡ଼ାରେ ରହୁଥିବା ଏକ ଘରେ ମଧ୍ୟ ଚଢ଼ାଉ କରିଥିଲା ପୋଲିସ । ସମ୍ପୃକ୍ତ ଭଡ଼ା ଘରୁ ଆଉ ଦୁଇଟି ବନ୍ଧୁକ ସହ ୩୪ଟି ଅଫୁଟ ଗୁଳିକୁ ମଧ୍ୟ ପୋଲିସ ଜବତ କରିଥିଲା । ସେହିପରି ଗୋଷାଣୀ ନୂଆଗାଁ ଥାନା ପୋଲିସ ପକ୍ଷରୁ ଏକ ବିଶେଷ ସୂତ୍ରରୁ ଖବର ପାଇଥିଲା କିଛି ଯୁବକ କାହାକୁ ମାରିବା ପାଇଁ ଯୋଜନା କରୁଛନ୍ତି । ଏନେଇ ପୋଲିସ ଚଢ଼ାଉ କରିବା ବେଳେ ପ୍ରଥମେ ଶନି ଓରଫ୍ ସୁନୀଲ କୁମାର ସାହୁକୁ ପୋଲିସ କାବୁ କରିଥିଲା । ଶନିଙ୍କ ଠାରୁ ଗୋଟିଏ ବନ୍ଧୁକ ଓ କିଛି ଗୁଳି ଜବତ କରିଥିଲା ପୋଲିସ । ଏହାପରେ ସୁରଜ ପାଢ଼ୀ ଓ ଗୋବର୍ଦ୍ଧନ ପାତ୍ର ନାମକ ଦୁଇ ଜଣ ଯୁବକଙ୍କୁ କାବୁ କରିବା ସହ ସେମାନଙ୍କ ଠାରୁ ପୋଲିସ ଏୟାର ଗନ ଜବତ ହୋଇଥିଲା । ସେହିପରି ସୁମନ୍ତ ପାତ୍ରଙ୍କ ଠାରୁ ୫ଟି ବୋମାକୁ ଜବତ କରିଥିଲା ପୋଲିସ । ବନ୍ଧୁକ ଗୁଡ଼ିକୁ ଖୋର୍ଦ୍ଧାର ରବିନ୍ଦ୍ର ମହାରଣାଙ୍କ ଠାରୁ ରୂପାନ୍ତରିତ କରିଥିବା ଯୋଗୁଁ ରବିନ୍ଦ୍ରଙ୍କୁ ମଧ୍ୟ ପୋଲିସ ଗିରଫ କରିଛି । ଗିରଫ ସୁମନ୍ତ ପାତ୍ର ଜଣେ ଏଟିଏମ ଲୁଟେରା ନେଇ ପୂର୍ବରୁ ପୋଲିସ ଗିରଫ କରିଥିବା ବେଳେ ତା ଠାରୁ ୨୨ଟି ଏଟିଏମ୍ କାର୍ଡକୁ ମଧ୍ୟ ପୋଲିସ ଜବତ କରିଛି । ଏହି ଦୁଇଟି ମାମଲାରେ ପୋଲିସ ମୋଟ ୭ ଜଣଙ୍କୁ ଗିରଫ କରିଥିବା ବେଳେ ସେମାନଙ୍କ ଠାରୁ ୫ଟି ବନ୍ଧୁକ, ନଗଦ ୧ଲକ୍ଷ ୧୧ ହଜାର ୫୦୦ ଟଙ୍କା, ୪୩ଟି ଜୀବନ୍ତ ଗୁଳି, ୬ଟି ମୋବାଇଲ, ୨୨ଟି ଏଟିଏମ୍ କାର୍ଡ ଓ ଗୋଟିଏ ମହିନ୍ଦ୍ରା ଟିୟୁଭି ୩୦୦ କାରକୁ ଜବତ କରାଯାଇଥିବା ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବ୍ରହ୍ମପୁର ଏସପି ।